کۆلیژا یاسا و زانستێن سیاسی

پشکا یاسایێ ل کۆلیژا یاسا و ڕامیارى ب هەڤکاری ل گەل ڕێڤەبەریا بەرھەنگاریا توندوتیژیا ئافرەت و خێزانێ ل دهۆکێ و ڕێکخراوا UNICEF تایێ دهۆکێ، وورکشۆپەک ل ژێر ناڤونیشانێ (توندوتیژیا خێزانێ د ناڤبەرا دەقێن یاسایێ و کەتوارێ جڤاکیدا) ل ڕۆژا چارشەمبێ ڕێکەفتى (24/11/2021) ل دەمژمێر (10:00) سپێدێ، ل هۆلا پێداگوجى و پەرەپێدانا ئەکادیمى گێرا.
وورکشۆپ ژ دوو تەوەرێن سەرەکى پێکدهات، ئەو ژى تەوەرەکێ یاسایى کو ژ لایێ پ. هـ. د. ئەڤین خالد عەبدولرەحمان ـ ڕاگرا کۆلیژێڤە هاتە پێشکێشکرن. هەروەسا تەوەرێ دوویێ تەوەرەکێ جڤاکى بوو و ژ لایێ پێشەنگ ـ فەرهاد سەلیم محەمەد ـ ئەفسەرێ ڕێڤەبەریا نەهێلانا توندوتیژیا ئافرەت و خێزانێڤە هاتە پێشکێشکرن .
د هەردوو تەوەراندا ب ئاوایەکێ ئەکادیمیانە بابەت هاتە شڕۆڤەکرن و ل دووماهیێ دانوستاندن ژ لایێ ئامادەبوویانڤە ل سەر هەردوو تەوەران هاتەکرن.