نڤیسینگەها ڕاوێژا كاگێڕی و ئابووری
نڤیسینگه‌ها شیره‌تێن زانستى ل كولیژا كارگێرى وئابوورى هه‌ر ل 18/2/2008 ل پشكا ئابوورى ل كولیژا دهوك یا زانكو ل وى ده‌مى هاتیه دامه‌زراندن، وئارمانج ژ دامه‌زراندنا وێ پشكداریكرنه ل پێشخستنا په‌یوه‌ندى یا دناڤبه‌را زانكو وجڤاكێ دا بو بده‌ستڤه‌ئینانا ئارمانجا زانكویێ یا به‌رهه‌مهێن، ئه‌وژى نڤیسینگه‌ها ڕاهێنانێ یا شیره‌تكارى یه رۆلێ خوه هه‌یه ل بهێزكرن وپشتگیریكرنا شاره‌زایى یا نیشتیمانى ل بیاڤێن پێشخستن وڕاهینان وشیره‌تێن كارگێرى ودارایى وئابوورى دا، وب كارێ ئه‌نجامدانا ڤه‌كولینێن مفادارى یا ئابوورى وبه‌رهه‌ڤكرنا بودجه‌یان بو كومپانیێن گشتى وتایبه‌ت رادبیت هه‌روه‌سا به‌رهه‌ڤكرنا خۆلێن ڕاهێنانێ بو بلندكرنا ئاستێ توانستا كارمه‌ندان ل یه‌كێن كه‌رتێ گشتى وتایبه‌ت، وهه‌ر ل وى ده‌مى نڤیسینگه‌هێ چه‌ندین كارێن شیره‌تكارى ئه‌نجام داینه ژ هه‌ڵسه‌نگاندنا پرۆژێن ئابوورى ب رێى یا رێككه‌فتنان دگه‌ل سازیێن زانستى یێن نێڤ ده‌وله‌تى وناڤخۆیى یێن بسپۆر كو ژلایێ كادرێن زانستیێ بسپۆر وشیره‌تكارێن تایبه‌تمه‌ند ڤه ب هه‌مى زانستێن دارایى وئابوورى وكارگێرى ڤه ل جێبه‌جێكرنا هه‌مى پرۆژه‌یان یێن كو دكه‌ڤنه دچارچۆڤێ بسپۆرى یا نڤیسینگه‌هێ ولدیف ساخه‌له‌تێن زانستى یێن پێدڤى، بو زانین نڤیسینگه‌ها شیره‌تێن زانستى ل كولیژێ چه‌ندین پرۆژه ئه‌نجام داینه وژه‌ندین شیره‌تێن زانستى بو هه‌مى وه‌زاره‌ت ودامه‌زراوه‌یان پێشكێش كرینه ژوانا:
1ـ ئه‌جنده‌ى یا كارێن كه‌رتێن ئابوورى ل هه‌رێما كوردستانێ دگه‌ل سه‌نته‌رێ پرۆژێن نێڤ ده‌وله‌تى یا تایبه‌ت (CIPE) Center For International Private Enterprise كو ئێكه ژ رێكخراورێن جڤاكا مه‌ده‌نى یێن نێڤ ده‌وله‌تى، وب هه‌ر سێ زمانێن (كوردى، عه‌ره‌بى، ئینكلیزى)، وئه‌ڤ ڤه‌كولینه ژ لایێ بژارده‌یه‌ك ژ ماموستایێن كولیژێ ڤه هاته به‌رهه‌ڤكرن وده‌رخستن.
2ـ ڤه‌كولینه‌ك سه‌باره‌ت كه‌توارێ ئابوورى یا عیراقێ دگه‌ل ئاماژه‌كرن ب كه‌رتێ هه‌ڤبه‌ر، ئه‌ڤ ڤه‌كولینه ب پشته‌ڤانى یا سه‌نته‌رێ پرۆژێن نێڤ ده‌وله‌تى یا تایبه‌ت (CIPE) هاته به‌رهه‌ڤكرن.
3ـ ڤه‌كولینا مفادارى یا پرۆژێ سیاره‌تیكا یێ گه‌شتیارى بو كه‌رتێ تایبه‌ت هاته به‌رهه‌ڤكرن.
4ـ ڤه‌كولینا مفادارى یا ئابوورى بو ڤه‌كرنا نه‌خۆشخانا ڤین یا تایبه‌ت ل پارێزگه‌ها دهۆك.
5ـ پرۆژێ ڤه‌كولینێن مفادارى یا ته‌كنیكه وئابوورى بو پروّژێ ڤه‌كرنا تایێ زانكۆیا نه‌وروز ل قه‌زا زاخو.
6ـ پرۆژێ ڤه‌كولینا مفادارى یا ته‌كنیكى وئابوورى بو پرۆژێ ڤه‌كرنا بانكێ ل ئاڤاهیێ سه‌ره‌كیێ زانكویا نه‌وروز.
7ـ پرۆژێ ڤه‌كولینا مفادارى یا ته‌كنیكى وئابوورى بو پرۆژێ ڤه‌كرنا خۆیندنگه‌هه‌كا سه‌ره‌تایى وپاغچه‌كێ ساڤایان ل هه‌ولێرێ.
8ـ ڤه‌كولینا مفادارى یا هه‌لسه‌نگاندنا توانستا كارێ زانكویا نه‌وروز یێ سالانه.
9ـ زێده‌بارى ڤه‌كولینا گه‌ِرخستنا شاره‌زایێن ئه‌كادیمى وزانستى بو ماموستایان وب ئاراسته‌یا پێشخستنا پیاده‌كرنا كارێ پیشه‌یى وبجهـئینانا ئاسته‌كێ بلند ژ شیره‌تێن ئابوورى دارایى وكارگێرى ل لق وبسپۆریێن په‌یوه‌ست ب كولیژا كارگێرى وئابوورى.
وژ ئارمانجێن دامه‌زراندنا نڤیسینگه‌هێ دكارین بڤى ئاوایى دیاربكه‌ین:
1ـپشكداریكرن ل بلندكرنا ئاستێ ره‌وشه‌نبیرى یا ئابوورى وكارگێرى ل جڤاكێ دا.
2ـ پێشكێشكرنا شاره‌زایى وشیره‌تكارى یا زانستى بو پشكداریكرن ل چاره‌سه‌كرنا كێشه وئاسته‌نگا ب رێێ یا ماموستایێن خودان شاره‌زایه‌كا درێژ وشیانه‌كا بلند بو خزمه‌تكرنا پلانێن گه‌شه‌پێدانێ.
دابینكرنا ئاستێ شیره‌تكارى وشازه‌زایى یا تایبه‌تمه‌ند بو سێكته‌رێن ده‌وله‌تێ یێن جۆرا وجۆر.
4ـ زێده‌كرنا شاره‌زایى یا ئه‌ندامێن ده‌سته‌یا خۆیندنێ ل بیاڤێن پیشه‌یى وپراكتیكى دا.
5ـ دامه‌زراندنا پرۆگرامێن ڕاهێنانێ یێن پێگه‌هاندنا كارمه‌ندان ب شێوه‌یه‌كێ كو پێدڤیێن رێكخراوان دبسپۆرێن دارایى، بانكى، ژمێریارى، دلنیایێ، كومپیوته‌ر وكارگێرى دا دابین بكه‌ت.
6ـپێشكێشكرنا ڤه‌كولینێن مفادارى یا ئابوورى وته‌كنیكى بو پرۆژه‌ێن كو قازانج وداهاته‌كێ ئابوورى تێدا هه‌بیت.
7ـپێشكێشكرنا ڤه‌كولینێن هه‌ڵسه‌نگاندنا كاریگه‌رى یا ژێنگه‌یى یا پرۆژه‌یان.
8ـپێشكێشكرنا هاریكارى یا ته‌كنیكى وخزمه‌تێن شیره‌تكارى دبیاڤێ پێگه‌هاندنا كومپانیا بو بده‌ستڤه‌ئینانا باوه‌ڕناما كوالیتیێ.
9ـ پرۆگرامێن شرۆڤه‌كرنا ئاماره‌یى بو ڤه‌كولینان.
10ـنڤیسینگه‌ه رادبیت ب ئه‌نجام دانا رۆپیڤانه‌كا مه‌یدانى بو پارێزگه‌هێ ب ئارمانجا ده‌ستنیشانكرنا ده‌رفه‌تێن ڤه‌كولینێ ورێزبه‌ندكرن وخشته‌كرنا وێ.