کۆلیژا کارگێڕى و ئابوورى

سه‌ره‌دانا زانستى یا قوتابیێن پشكا زانستێن گه‌شتیارى بو رێڤه‌به‌ریا گشتى یا گه‌شت و گوزار –دهوك

شانده‌كێ قوتابیێن پشكا زانستێن گه‌شتیارى ل زانكویا نه‌وروز رابون ب سه‌ره‌دانه‌كا زانستى بو رێڤه‌به‌ریا گشتى یا گه‌شت و گوزار ل پارێزگه‌ها دهوكێ و لژێر چاڤدێریا به‌رێز بریارده‌رێ پشكێ ( ئه‌كره‌م سالح یوسف ) ، بو دیتنا ئستراتیجیه‌تا رێڤه‌به‌ریێ د بازاركرنێ و پروپاكندا گه‌شتیارى ل پارێزگه‌ها دهوكێ و دوماهیك نۆى بون د ڤى بوارى دا ، كو پێشوازیا وان هاته‌ كرن ژ لایێ به‌رێز رێڤه‌به‌رێَ گشتى یێ گه‌شت و گوزار ل دهوكێ ( عوبه‌یدوللاه‌ داود عه‌لى ) . و ل ده‌ستپێكێ خێرهاتنا قوتابیان هاته‌ كرن و په‌سنا هه‌ڤكاریا دناڤبه‌را رێڤه‌به‌ریا گه‌شت و گوزار وه‌ك ده‌سته‌كێ بازاركرنێ و زانكۆیان و ب تایبه‌ت زانكۆیا نه‌وروز وه‌ك ده‌سته‌كێ په‌روه‌رده‌یى ل پارێزگه‌ها دهوك بو ئاماده‌كرنا قوتابیان ژ بو تێكهه‌ل بونێ ب كارى پشتى ده‌رچونێ د بوارێ كه‌رتێ گه‌شتیارى

و رێڤه‌به‌رێ گشتى رابو ب روهنكرنه‌كا به‌رفره‌ه لسه‌ر مێكانیزما كارێ رێڤه‌به‌ریێ و لسه‌ر راستیا گه‌شتیارى ل هه‌رێما كوردستانێ . و پیشاندانا دوماهیك نۆى بونا لسه‌ر ژمارا گه‌شتیارێن هاتینه‌ هه‌رێما كوردستانێ .

و پشتى ڤێ چه‌ندێ سه‌ره‌دانا هوتێل ( ژیان ) هاته‌ كرن بو نێرینا قوتابیان ل سه‌ر راستیا زانستى بو رێڤه‌برنا هوتێلێ ب جیاواز بونا پشكێن وێ و یه‌كه‌یێن كارگێرى و خزمه‌تگوزارى بو پشتگیریا لایه‌نێ تیورى ئه‌وێن هاتینه‌ وه‌رگرتن دگه‌ل یه‌كه‌یا مێتودێن زانستى یێن بریار لسه‌ر هاتیه‌ دان ژلایێ پشكێ ڤه‌ . كو باندوره‌كا ئه‌رێنى و قازانجێن زانستى بو هه‌مى قوتابیێن به‌شدار بوین د سه‌ره‌دانا زانستى دا پشت خوڤه‌ هێلایه‌ و  ب ئاماده‌بونا ماموستایێ بابه‌تێ ژمێریاریا گه‌شتارى به‌رێز ( م.ه. هێژا عه‌بدولكه‌ریم ) كو رابو ب روهنكرنا به‌رفره‌ه لسه‌ر ژمێریاریا گه‌شتیارى و چاوانیا جێبه‌جێكرنا وێ د هوتێلان دا .