کۆلیژا کارگێڕى و ئابوورى

ل رۆژا شه‌مبيێ رێكه‌فتى (5/7/2025) دو ئه‌ندامێن ستافێ ئه‌كاديمى ل زانكۆيا نه‌ورۆز مامۆستا هه‌ڤال به‌نگين قاسم ژ كۆليژا كارگێرى و ئابوورى و مامۆستا زيره‌ك ئه‌كره‌م جه‌بار ژ كۆليژا زمانان، ب هەماهەنگی ل گەل سازیا ڤژن ئیجۆکەیشن و کۆنسلخانەیا گشتی یا وەلاتێ چینێ ل هەولێرێ، پشكدارى د خۆله‌كا به‌رهه‌مدار ل دۆر په‌روه‌رده‌ و سه‌ركردايه‌تيێ ل وه‌لاتێ چينێ دا كرن. د خۆلا ناڤبرى دا، بابه‌تێن گرنگ و سه‌رده‌ميانه‌ وه‌كو "پێشئێخستن و گوهۆڕينا په‌روه‌رده‌ و فێركرنێ ب تايبه‌تى مژارا پێداگۆجيێ، برێڤه‌برنا دارايى و كارگێرى، سه‌ركردايه‌تيا بهێز و كاريگه‌ر، مژارا ته‌كنۆلۆژيا و ژيريا ده‌ستكرد ." هاتنه‌ گه‌نگه‌شه‌كرن.
مامۆستايێن زانكۆيا نه‌ورۆز كه‌يفخۆشيا خۆ ب رێكخستن و ڤه‌كرنا خۆلێن ژ ئه‌ڤى ره‌نگى ده‌ربڕين، و خواستن ئه‌ڤ جۆره‌ كارێن ئه‌كاديمى و زانستى ل ناڤخۆ و ده‌رڤه‌ى كوردستانێ به‌رده‌وام بن، ژبه‌ر كو مفا ژ ئه‌زموون و كه‌لتوورێن جودا ب ئارمانجا پێشئێخستنا پرۆسه‌يا په‌روه‌رده‌ و فێركرنێ دهێته‌ وه‌رگرتن.