کۆلیژا زمان

پشکا زمانێ کوردی ل کۆلیژا زمان ل زانکۆیا نەورۆز ب هەڤکارى ل گەل وەقفا مەزۆپۆتامیایێ ژ کوردستانا تورکی، سەمپۆزیومەکا تایبەت ل دۆر پرسا ستانداردکرنا زمانێ کوردى و ڕەوشا کورمانجیێ ل هۆلا نەورۆز د ناڤ کەمپوسا زانکۆیێدا گێرا.
د ڤێ سەمپۆزیومێدا، کو ژ لایێ د. محەمەدعەلى یاسین ژ زانکۆیا نەورۆز- زانکۆیا لیسبۆن ڤە دهاتە برێڤەبرن، هەردو مامۆستایان (پ. د. عەبدولوەهاب خالد مووسا) سەرۆکێ زانکۆیا نەورۆز و (د. میکائیل بولبول) ژ وەقفا مەزۆپۆتامیایێ ژ دیاربەکرێ سمینارێن خۆ ل دۆر زمانێ کوردى و ڕەوشا کورمانجیێ پێشکێشکرن و ب هویرى بەحسێ پلانسازیا زمانێ کوردى و ڕەوشا کورمانجیێ ل دەمێ نوکە و پاشەڕۆژێ کرن. ژ لایەکێ دیڤە، پانەلیستان ئاماژەدا ب چاوانیا ستانداردکرنا زمانێ کوردى و ئاریشەیێن ل بەرانبەر ستانداردکرنێ دەردکەڤن. هەروەسا بەحسێ دیالێکتێن زمانێ کوردى و خالێن هەڤبەش یێن د ناڤبەرا واندا هاتەکرن.
ل دووماهیێ دەرگەهێ دانوستاندنێ هاتە ڤه‌کرن و بەرهەڤبوویان ب دیتن و بۆچوونێن جوداجودا مژارا ڤێ سەمپۆزیومێ دەولەمەندکر.