کۆلیژا زمان

ل ڕۆژا ئێکشەمبێ ڕێکەفتى (27/3/2022) ل دەمژمێر (10:30) سپێدێ، ب هەلکەفتا ڕۆژا جیهانى شانۆیێ، پشکا کوردناسیێ ل زانكۆیا نه‌ورۆز ل گه‌ل پشكا كوردیێ ل زانكۆیا زاخۆ دیدارەکا تایبەت دەربارێ (ڕۆلێ فۆلکلۆرى د پێشڤەبرنا درامایێدا) سازکر.
ل دەستپێکێ، پەیڤا ڕاگریا کۆلیژا زمان ژ لایێ (م. هاریوان یووسف)ى هاریکارێ ڕاگرى هاتە خواندن. د پەیڤا خۆ دا، ئاماژە ب گرنگیا شانۆیێ و چاوانیا پێشڤەبرنێ، وەکو هەمى جۆرێن دى یێن ئەدەبیاتێ دا و تەکەزى ل سەر ئەوێ چەندێ کر، کو دێ سالانە خۆ ل ئەڤێ هەلکەفتێ کەنە خودان و ب پڕۆژە کار ل سەر کەن.
ژ لایێ خۆ ڤە پ. د. عەبدولوەهاب خالد مووسا سەرۆکێ زانکۆیێ، ڕۆژا جیهانى یا شانۆیێ ل تەڤایا شانۆکار و حەزژێکەرێن شانۆیێ پیرۆز کر. هەروەسا، ب هویرى بەحسێ شانۆیێ وەکو ئالاڤەکێ گوهۆڕین و بەرب پێشڤەبرنا جڤاکى کر. ل دووماهیێ، سەرۆکێ زانکۆیێ پشتەڤانیا خۆ بۆ بزاڤا شانۆیێ ب گشتى دیار کر.
ل دویڤدا پەنەلێن دیدارێ دەستپێکرن و هەر ئێک ژ بەرێزان د. شڤان قاسم حەسەن ل سەر مژارا ڕۆلێ داستانێ د پێشڤەبرنا شانۆیا کوردیدا و مامۆستا عەبدولرەحمان عەبدولغەفوور شنگالى ل دۆر بابەتێ کاریگەریا فۆلکلۆرى د پێشئێخستنا درامایا سەردەمدا ئاخڤتن.
ل دووماهیێ، دەرگەهێ دانوستاندنێ هاتە ڤەکرن و ئامادەبوویان ب دیتن و بۆچوونێن خۆ پشکدارى تێدا کرن.