پشکا یاسایێ

دەربارەی پشکا یاسایێ

ئارمانجا ئەڤێ پشكێ ئاماده‌كرنا كه‌سان و كادرێن خودان شیانه‌ ل سه‌ر دانا راوێژ و بۆچوونێن یاسایى، ب رێكا ڤه‌كۆلینێن یاسایى د بیاڤێن جودادا ب تایبەت د بیاڤێن هه‌ردو لقێن یاسایا گشتى و تایبه‌تدا. ئه‌ڤ پشكه‌ باوەرنامەیا به‌كالوریۆسێ د یاسایێدا دده‌ت و ماوەیێ خواندنێ پێنج سالن و ده‌رچوویێن ئاماده‌یى ب هه‌ردو پشكێن خۆ یێن زانستى و وێژه‌یڤه‌ وه‌ردگریت.

دیتن:
پشکا یاسایێ ل کۆلیژا یاسا و ڕامیاری بزاڤێ دکەت، کو جهەکێ زانستى یێ بژارە د ناڤ پشکێن یاسایێدا ل کۆلیژێن یاسایێ یێن ل زانکۆیێن دى (ناڤخۆیى ـ نێڤدەولەتى) ب دەستڤەبئینیت. ئەڤ چەندە ژى، ب پشکداریکرن و پێشئێخستنا لایەنێ زانستى یێ ئەکادیمى و لایەنێ ڤەکۆلینێن زانستى ب پشتبەستن ب ئامرازێن جۆراوجۆر، داکو سروشتەکێ زانستى ب دەستخۆڤەبئینیت. ئەڤجار لایەنێ وانەگۆتن و خواندنێ یان لایەنێ ڤەکۆلینێن زانستى بیت.

نامە:
پشکا یاسایێ د نامەیا خۆ یا زانستیدا دیار دکەت، کو هزرا (ئاڤاکرنا کەسایەتیا یاسایى یا قوتابى) دکەت. ئەڤ ئاڤاکرنا یاسایى بۆ کەسایەتیا قوتابى ل سەر دوو ئاستانە، ئەو ژى: ئێک: تیۆرى. دوو: پراکتیکى.
ژ لایێ تیۆرى: پشکا یاسایێ کارى ل سەر پێشکێشکرنا زانیاریێن تیۆرى و ئەکادیمى بۆ قوتابیێن پشکا یاسایێ د ژینگەها خواندنێدا دکەت. گرنگیێ ب ئامرازێن فێرکرنێ یێن جودا ددەت و ئاسانکاریان دئێخیتە د ڕێکا قوتابیاندا.
ژ لایێ پراکتیکیڤە: پشکا یاسایێ زانیاریێن تیۆرى یێن قوتابى ب هەڤکارى ل گەل دەزگەهێن حکومى یێن کارێ وان د چارچووڤەیێ یاساییدا پراکتیک دکەت. ب تایبەتى ل گەل دادگەهان، ب مەرەما پەیداکرنا تێکەلیێ د ناڤبەرا لایەنێ تیۆرى و یێ پراکتیکیدا بۆ خواندنا زانستێ یاسایێ.

ئارمانج:

1ـ پێشکێشکرنا فێرکرنەکا زانکۆیى د وارێ خواندنا زانستێ یاسایێدا، کو ل گەل پیڤەرێن دلنیا جۆرى بگونجن.

2ـ کارکرن ل سەر ئاڤاکرنا کەسایەتیا یاسایى بۆ قوتابیێ یاسایێ د سالێن خواندنێدا، کو بشێت پشتى دەرچوونێ مفا ژ خواندنا خۆ ببینیت و خزمەتا جڤاکى بکەت.

3ـ پێشکێشکرنا دەرچوویێن یاسایێ یێن خودان شیان د کارێ پارێزەریێدا و سەندیکایا پارێزەران مفاى ژ شیانێن وان وەربگریت.

4ـ پێشکێشکرنا دەرچوویێن یاسایێ بۆ سازیێن دەولەتێ، کو بشێن مفایەکێ باش ژ شیانێن وان وەربگریت. بۆ نموونە فەرمانبەرێن مافپەروەر ل سەر ئاستێ فەرمانگەهێن شارستانى یان ژى سەربازى.

5ـ ئاڤاکرن و گەشەپێدانا زانیاریێن یاسایى ل دەڤ قوتابیێ یاسایێ د هەمى لقێن یاسایێدا.

6ـ گرنگیدان ب زانستێن هاریکار بۆ خواندنا یاسایێ، ب ڕێکا گەشەپێدانا زانیاریێن قوتابیان.

 7ـ کارکرن ل سەر پەیداکرنا تێکەلیێ د ناڤبەرا لایەنێ تیۆرى و پراکتیکى بۆ خواندنا زانستێ یاسایێ، ب ڕێکا پێشکێشکرنا زانیاریێن تیۆرى د چارچووڤەیەکێ پراکتیکیدا.

8ـ کارکرن ل سەر پێشئێخستنا لایەنێ زانستى ل دەڤ دەستەیا وانەگۆتنێ ب ڕێکا هاندانا وان بۆ پشکداریێ د پەنەل و کۆنفرانسێن زانستى و وورکشۆپێن ناڤخۆیى و نێڤدەولەتیدا.

9ـ پێشئێخستنا لایەنێ ڤەکۆلینێن زانستى یێن ئەکادیمى ب ڕێکا هاندانا دەستەیا وانەگۆتنێ ل دۆر نڤیسین و بەلاڤکرنا ڤەکۆلینێن زانستى د کۆڤارێن زانستى یێن باوەرپێکرى ل سەر ئاستێ ناڤخۆیى و نێڤدەولەتى.