دیتن و ئەرک و ئارمانج

دیتن :

کولیژا یاسا ورامیارى هەولا بجهئینانا بلندترين پیڤەرێن دلنیايى جوری دبیاڤێ فێرکرنا ئەکادیمی وڤەکولینێن زانستى دا ددەت ، ب مەرەما پیشئێخستنا  کەتوارێ یاسایی ورامیارى دجڤاکی دا.

ئەرکێ کولیژێ :

ئەرکێ کولیژا یاسا ورامیارى ب هەردوو بەشێن وێ ڤە ( یاسا وزانستێن رامیارى) پالپشتیا زانینا مروڤایەتى د هەردوو بوارێن یاسا ورامیارى دا دکەت ،  پشت بەستن ل سەر گەلەک ژێدەرێن زانینێ ژ : پێشکێش کرنا زانیاریێن تیوری، دروستکرنا ڤەکولینێن زانستى، وگێرانا کونفرانس وپەنەلێن زانستى، وئەنجام دانا زنجیرێن گەنگەشەکرنێ، وسازکرنا ورکشوپێن ناڤخویی ونیڤدەولەتى ب هەڤکارى دگەل لایەنێن پەیوەندی دار دبیاڤێ یاسا رامیارى دا.

ئارمانجێن کولیژێ:

کولیژا یاسا ورامیارى کار دکەت  ژ بو بجهئینانا ژمارەکا ئارمانجا، گرنگترین ئارمانج :

• ئاڤاکرن ورەخساندن وپێشخستنا زانینا مروڤایەتى دبیاڤێ یاسایی راميارى دا.
• پێدانا جڤاکی ب تەخەکا دەرچوویێن پێگەهاندى ژلایێ زانستى وهزرى رةفتارى دبیاڤێ یاسا ورامیارى دا.
• موکمکرنا پەیوەندیێن زانستى دناڤبەرا کولیژێ وهەمى دام ودەزگەهێن دەولەتێ یێن پەیوەندیدار ب کاروبارێن یاسایی ورامیارى ڤە، ب مەرەما بجهئینانا گونجاندنێ دناڤبەرا لایەنێ تیورى و پراکتیکی د ئەڤی بیاڤێ دا.
• بەشداریکرن دچارەسەرکرنا پرسگرێگێن گرێداى ب ژمارەکا دوزێن یاسایی ورامیارى، برێکا گێرانا کونفرانسا وپەنەلێن زانستى کو دگەهنە چارەسەریێن پراکتیکی بو ئەڤان پرسگرێگان .