کۆلیژا یاسا و زانستێن سیاسی

ل ڕۆژا پێنجشەمبێ ڕێکەفتی (8/2/2024) قوتابیێن قۆناغا چارێ یێن پشكا زانستێن سیاسی ل زانكۆیا نەورۆز گەشتەكا زانستی بۆ سەرۆكاتیا هەرێما كوردستانێ كرن. ئارمانجا ئەڤێ گەشتێ ئەو بوو، كو قوتابی زانیاریێن خۆ یێن تیۆری و پراكتیكی د بابەتێ "دپلۆماسی و پرۆتۆكۆلی"دا پێشبئێخن و ژ نێزیك چاوانیا كاركرنێ ل سەرۆكاتیا هەرێما كوردستانێ ببینن.
هەژی گۆتنێیە، كو د چارچووڤەیێ گەشتێدا دوو سمینار ژ لایێ بەڕێزان، دلشاد شەهاب پەیڤدارێ سەرۆكاتیا هەرێما كوردستانێ و د. سۆران عەلی ڕاوێژكارێ یاسایی ل سەرۆكاتیا هەرێما كوردستانێ بۆ قوتابیێن زانكۆیا مە هاتنە پێشكێشكرن.
گەشتا ناڤبری ب سەرپەرشتیا د. سلێمان محەمەد و مامۆستا مەسعوود نوورەدین هاتەکرن