کۆلیژا یاسا و زانستێن سیاسی

ل ڕۆژا شەمبیێ ڕێکەفتى (10/12/2022) ل دەمژمێر (10:00) سپێدێ، ڕاگریا کۆلیژا یاسا و زانستێن سیاسى ب ئامادەبوونا پ. د. عەبدولوەهاب خالد مووسا سەرۆکی زانکۆیێ و ڕاگرێن کۆلیژان و مامۆستا و قوتابیێن زانکۆیێ و سازیێن حکومى و کەرتێ تایبەت، پانەلەکێ تایبەت ب ناڤێ (هه‌وا هشياركرنا قوتابيان ب ڕێنمايێن به‌رزه‌فتكرنا قوتابيێن زانكۆ و په‌يمانگه‌هان ل هه‌رێما كوردستانێ) ل هۆلا نەورۆز ل کۆلیژا کارگێری و ئابووری ل کەمپوسا زانکۆیێ گێرا.
ل دەستپێکی سەرۆکێ زانکۆیێ پەیڤەک پێشکێشکر و ئاماژە ب گرنگیا ڕێنمایێن بەرزەفتکرنێ و هشیاریا قوتابیان ل سەر ڕێنمایان دا، هەروەسا تەکەزى ل سەر کارێن وەها زانستى و خزمەتکرنا قوتابیان دا. ژ لایەکێ دیڤە، ڕاگرێ کۆلیژا یاسا و زانستێن مرۆڤایەتى پ. هـ . د. دلشاد عەبدولرەحمان یووسف، ب گرنگى ل سەر خەباتا قوتابیان ئاخڤت و دەستخۆشى ل کار و ماندیبوونا وان کر. پاشى پەیڤا ئێکەتیا قوتابیێن کوردستانێ ژ لایێ قوتابى عادل عەگید حسێن ڤە هاتە خواندن و ب شێوازەکێ ڕێکخستى بەحسێ ڕێنمایێن بەرزەفتکرنێ کر.
هەروەسا، دەرفەت ب قوتابیان هاتەدان کو د دەمەکێ دەستنیشانکریدا ب کورتى و پوختى ل سەر کار و خەباتا خۆ باخڤن و هویرکاریێن کارکرنێ ل سەر ڕێنمایان ب ئاوایەکێ یاسایى دیار بکەن.
ل دووماهیێ ژى، نامێلکەیا ڕێنمایان ب زمانێ کوردى و عەرەبى ل سەر ئامادەبوویان هاتە بەلاڤکرن، هەروەسا باوەرنامەیێن ڕێزلێنان و سوپاسیێ ب قوتابیێن کار ل سەر ڕێنمایان کرین هاتنەدان و داخوازا سەرکەفتن و بەردەوامیێ بۆ وان هاتەکرن.