ل دور
كولێژا یاسا وڕامیاری ئێكه ژ كولێژێن زانكۆیا نه‌وروز و ل ساڵا 2004 – 2005 هاتیه دامه‌زراندن و بڕواناما به‌كالوریوسێ دیاسا و په‌یوه‌ندیێن نیڤ ده‌وله‌تی دا دبه‌خشیت بۆ هه‌ر دوو خواندنێن سپێده‌هی و ئێڤاران.
ئه‌ڤ كولێژه كادرێن یاسایی یێن تایبه‌تمه‌ند ئاماده‌دكه‌ت بۆ ده‌زگه‌هێن دادی ورێڤه‌به‌ریێن یاسایی، ب رێكا فێركرنا قوتابیان ل سه‌ر یاسایێن ب كار دهێن زانستێن یاسایی وڕامیاری و چاوانیا گرێدانا وان ب دوڕهێلی ڤه.
ئه‌ڤ كولێژه رادبیت ب پێشكێشكرنا راوێژ و شیره‌تێن یاسایی بو دامۆ ده‌زگه‌هێن میری و سازدانا رووینشتن و ۆرك شوپان زێده‌باری كارێ خۆ یێ ئه‌كادیمی.
هه‌ر وه‌ها ئه‌ڤ كولێژه رادبیت ب ئاماده‌كرنا كادرێن خودان شیان و شه‌هره‌زا د سیاسه‌تێن نێڤ ده‌وله‌تی و په‌یوه‌ندی و شرۆڤه‌كرنێن سیاسی و كارێن رێكخراوێن جیهانیدا ، زێده‌باری كاركرن و مفا وه‌رگرتن ژ ڤان كادران ژلایێ ده‌زگه‌هێن په‌یوه‌ندیدار و سه‌نته‌رێن ڤه‌كولینان و پێشئیخستنا ڤه‌كولینێن زانستی.
ئارمانجێن کونفرانسێ
1. ئاگه‌هبوونا قوتابیا لسه‌ر شروڤه‌یێن ماموستایتن یێن زانستی ده‌رباره‌ی سیناریویێن پاشه‌روژا عیراقێ لسه‌ر گهورینێن بله‌ز ولدویڤ ئێك یێن نافخویی ، هه‌رێمی ونیڤ ده‌وله‌تی .
2. زانینا پاشه‌روژا عیراقێ لژێر كارگێریا ئه‌مریكی یا نوی ( كارگێریا دونالد ترامپی ) .
3. گوهداریكرنا شروڤه‌یێن ئه‌كادیمی یێن یاسایی وسیاسی ده‌رباره‌ی ره‌نگڤه‌دانێن یاسا حه‌شدا شه‌عبی لسه‌ر هه‌رێما كوردستانێ .
4. بلندكرنا هشیاریا كوردستانی لسه‌ر راستیا ده‌وله‌تا عیراقێ یا ده‌ستكرد وته‌رخانكرنا شیانان ده‌رباره‌ی ڤه‌كولینێن مافێ چاره‌نووسێ ملله‌تێ كورد .