کۆلیژا زانست

د ڕێورەسمەكێ تایبەتدا و ب ئامادەبوونا پ. د. عەبدولوەهاب خالد مووسا سەرۆكێ زانكۆیێ و ڕاگرێن كۆلیژان و نوینەرێن كەرتێ حكومی و تایبەت ل ڕۆژا چارشەمبێ ڕێكەفتی 10 گولانا 2023یێ پێشانگەها سالانە و بەریكانەیا TECH-IN-CO23 ل ناڤ كەمپوسا زانكۆیێ هاتە ڤەكرن و بۆ جارا ئێكێ شەڕێ ڕۆبۆتان ل سەر ئاستێ عیراقێ هاتەكرن.
د پەیڤەكێدا سەرۆكێ زانكۆیێ ب خێرهاتنا مێهڤانان كر و دەستخۆشی ل قوتابیان و داهێنانێن وان یێن سەردەمیانە و پێدڤییێن جڤاكی كر. دیسان تەكەزی ل سەر ئەڤێ چەندێ كر كو د پاشەڕۆژەكا نێزیكدا پڕۆژەیێن قوتابیان ڕۆناهییێ ببینن و بكەڤنە د خزمەتا مللەتیدا. ژ لایێ خۆ ڤە بەڕێز ماجد سەید سالح نوینەرێ پارێزگەرێ دهۆكێ پەیڤا پارێزگەهێ پێشكێشكر و خۆشحالیا خۆ ب داهێنانێن قوتابیێن زانكۆیا نەورۆز دەربڕی. ژ لایەكێ دیڤە مامۆستا سامان محەمەد عەبدولرەحمان پەیڤا كۆلیژا زانست پێشكێشكر و سوپاسیا ئامادەبوویان و پشتەڤانیا وان كر.