کۆلیژا زانست

ل رۆژا ئێکشەمبێ رێکەفتى (15/5/2022) ل دەمژمێر (9:30) سپێدێ، د رێورەسمەکێ تایبەتدا پێشانگەها داهێنانێن تەکنۆلۆژى TECH-IN-CO22 هاتە ڤەکرن.
ل دەستپێکێ و ل هۆلا نەورۆز د ناڤ کەمپۆسا زانکۆیێدا پ. د. عەبدولوەهاب خالد مووسا سەرۆکێ زانکۆیێ، پەیڤا ڤەکرنا پێشانگەهێ و گرنگیا نیشاندانا داهێنانێن تەکنۆلۆژى یێن قوتابیان پێشکێشکر. د پەیڤا خۆ دا، ب هویرى ئاماژە ب داهێنانێن سەردەم یێن قوتابیێن نەورۆز و رێکخوەشکرن بۆ جێبجێکرن و کار و پرۆژەیاندا. هەروەسا، پشتەڤانیا زانکۆیێ بۆ داهێنانێن قوتابیان نیشاندا و داخواز سەرکەفتێ بۆ وان کر.
پاشى، مێهڤانێن پێشانگەها داهێنانێن تەکنۆلۆژى بەرەڤ ڤەکرنا پێشانگەها تابلۆیان و نیشاندانا پرۆژەیان چوون. قوتابیێن پشکدار تابلۆ و داهێنانێن خۆ بۆ مێهڤانان شرۆڤەکرن و ئارمانجا کارێ خۆ بۆ خزمەتا جڤاکى و ئاڤەدانیا وەلاتى پێشچاڤ کرن.
هەژییە بێژین، د پێشانگەها ناڤبریدا نێزیکى 95 داهێنانێن قوتابیێن کۆلیژا زانست و کۆلیژا ئەندازیارى ل گەل تابلۆیێن چەندین قوتابیێن زانکۆیێ و داهێنانێن په‌یمانگه‌هـ و سازیێن ئه‌كادیمى یێن پارێزگه‌ها دهۆكێ هاتنه‌ نیشاندان.