کۆلیژا زانست
ل زانکۆیا نەورۆز سەمپوزیومەک ل دۆر ژیریا دەستکرد هاتە گێران
ل زانکۆیا نەورۆز سەمپوزیومەک ل دۆر ژیریا دەستکرد هاتە گێران
ل رۆژا دووشەمبێ رێکەفتى (24/11/2025) ل دەمژمێر (10:00) سپێدێ، ب ئامادەبوونا هاریکارێن سەرۆکێ زانکۆیێ، پشکا زانستێن کۆمپیوتەرى ل کۆلیژا زانست، سەمپوزیومەک ب ناڤونیشانێ "ژیریا دەستکرد د جیهانا راستەقینە دا: داهێنان، رەوشت و کاریگەرى" ل هۆلا رەحمى هەکارى گێرا. د سەمپوزیومێ دا کەسایەتیێن ئەکادیمى، قوتابیێن زانکۆ و پەیمانگەهان و کەرتێ پەروەردەیێ ئامادە ببوون. سەمپوزیومێ ب پەیڤا پ. د. هۆگر تاهر تەوفیق هاریکارێ سەرۆکێ زانکۆیێ دەستپێکر، د پەیڤا خۆ دا تەکەزى ل سەر گرنگیا زیرەکیا دەستکرد د بیاڤێن جوداجودا یێن ژیانێ دا، ب تایبەتى د وارێ خواندنا بلند و ڤەکۆلینێن زانستی دا کر.
بەرنامەیێ سەمپوزیومێ ژ دوو روینشتنان پێکدهات، کو قوتابیێن پەیمانگەهێن باژێرێ دهۆکێ پێشکێشى ل دۆر بابەتێ ژیریا دەستکرد ب ئاوایەکێ رێکخستى پێشکێش دکرن.
بۆ زانینا زانیاریێن زێدەتر، بەرێخۆ بدە برۆشۆرێ.
