زانكۆیا نەورۆز و بهێزکرنا ئەزموونێن وێ یێن ئەکادیمی ب رێكا ئەزموونێن نێڤدەولەتی
زانکۆیا نەورۆز گرنگیەکا مەزن ددەتە ڤەبوونێ لسەر ئەزموونێن ئەکادیمی یێن نێڤدەولەتی، وەکو بناغەکا سەرەکی د پێشڤەبرنا پەروەردە و ڤەکۆلینێن زانستی دا. ژ نموونەیێن بەرچاڤ ل سەر ڤی کاری، بەشداریا دو ئەندامێن ستافێ وێ یێ ئەکادیمی: مامۆستا هەڤال بەنگین ژ کۆلێژا کارگێری و ئابووری و مامۆستا زیرەک ئەکرەم جەبار ژ کۆلێژا زمانان، د کۆرسەکێ راهێنانێ ل سەر رابەری و پەروەردەیێ کو ل گۆلانا ٢٠٢٥ ل کۆمارا چینێ هات بوو ئەنجامدان، ئەو ژی ب هەماهەنگیا دناڤبەرا دەزگەهێ Vision Education و کۆنسولیا چینی ل هەولێرێ.
بەرنامەی سەنگا خۆ دانابوو سەر تەوەرێن سەرەکی د پێشڤەبرنا پەروەردەیێ دا، وەکی: رێکێن وانەگوتن و پیداگۆجیا نوی، رابەریا دەزگەهان و رێڤەبەریا نوی. پێشڤەچوونێن تەکنۆلۆجی و ژیریا دەستکرد و کارپێکرنا وان ل سەر دەزگەهێن پەروەردەیی.
ئەڤ ئەزموونە ل گەل دیتنا زانکۆیا نەورۆز رێکدکەڤێت د بهێزکرنا شیانێن مامۆستایێن وێ دا و دابینکرنا ئەزموونێن جیهانی، یێن ب شێوەیەکێ ئەرێنی ل سەر ئاستێ پرۆسێسا پەروەردەیی ل ناڤ کەمپا زانکۆیێ دا رەنگڤەددەن. هەروەسا ئەڤ پشکداریە پێگیریا زانکۆیێ نیشان ددەن بۆ جێگیرکرنا جهێ وێ وەکو سازیەکا پەروەردەیی و ڤەکۆلینێ کو بزاڤێ دکەت شوپاندنا پەرەپێدانێن جیهانی بکەت و مفای ژ کەلتۆر و ئەزموونێن جۆراوجۆر د وارێن پەروەردە و فێرکرنێ دا وەربگریت.
پەیاما زانکۆیا نەورۆز و دیتنا وێ
ئارمانجا زانکۆیا نەورۆز ئەوە کو پەروەردەیەکا بلند و کوالیتی پێشکێش بکەت کو ل سەر ڤەکۆلینا زانستی، داهێنان، و خزمەتکرنا جڤاکەکێ دامەزراوەیی هاتبیتە ئاڤاکرن، ل گەل پابەندبوونێ ب نرخێن مرۆڤی و ئەکادیمی. زانکۆ بزاڤێ دکەت ببیتە سازیەکا پێشەنگ ل سەر ئاستێن نەتەوەیی و نێڤدەولەتی، کو شیان هەبن دەرچوویێن ژێهاتی بەرهەڤ بکەت کو ب رەنگەکێ کارتێکر پشکداریێ د پێشڤەبرنا بەردەوام و ئاڤاکرنا جڤاکێ زانینێ دا بکەن.