ل زانكۆیا نەورۆز خۆلەكا بهێزكرنا شیانێن ئەفسەران هاتەڤەكرن
ل رۆژا سێشەمبێ رێكەفتی (22/6/2025) ب ئامادەبوونا سەرۆكێ زانكۆیێ پ. هـ. د. مێڤان عارف عەبدولرەحمان و سەرتیپ. عیماد عەجیل رێڤەبەرێ پۆلیسێن پارێزگەها دهۆكێ ب وەكالەت و مامۆستایێن زانكۆیێ، كلینیكا یاسایی ل كۆلیژا یاسا و زانستێن سیاسی ب هەڤكاری ل گەل رێڤەبەریا بەرهنگاربوونا توندوتیژیا ل دژی ئافرەت و خێزانێ، خۆلەكا بهێزكرنا شیانان بۆ ئەفسەرێن سەر ب رێڤەبەریا ناڤبری ڤە ل ژێر ناڤونیشانێ “لایەنێن یاسایی و ئایینی و جڤاكی د چارچووڤەیێ یاسایا بەرهنگاربوونا توندوتیژیا ل دژی خێزانێ ل هەرێما كوردستانێ یا ژمارە 8 بۆ سالا 2011ێ” ڤەكر.
هەژیە بێژین، كو خۆل بۆ دەمێ چار رۆژان ب بابەت و مژارێن جودا یا بەردەوام بوو.
بۆ زانینا زانیاریێن زێدەتر، بەرێخۆ بدە برۆشۆر و خشتەیێ خۆلێ.
