زانكۆيا نه‌ورۆز ب هه‌ڤكارى ل گه‌ل سه‌نته‌رێ (122) يێ ڕێڤه‌به‌ريا گشتى يا ساخله‌ميا پارێزگه‌ها دهۆكێ، خۆله‌كا هاوارهاتنا ده‌ستپێكى بۆ قوتابيێن قۆناغا ئێكێ يێن هه‌مى پشك و كۆليژێن زانكۆيێ ڤه‌كر. ئه‌ڤ خۆله‌ ب شێوازه‌كێ نوى بوو و ئێك ژ چالاكيێن بابه‌تێ (گه‌نگه‌شه‌يا زانستى) يا قوتابيێن قۆناغا ئێكێ بوو. د خۆلا ناڤبريدا ته‌كه‌زى ل سه‌ر خالێن ل خوارێ دياركرى هاته‌كرن:
ـ هاوارهاتنا ده‌ستپێكێ چييه‌؟ ل گه‌ل ئارمانجێن وێ.
ـ دوپاتى ل سه‌ر ئاريشه‌يێن كريارا هه‌ناسه‌دانا مرۆڤى هاته‌كرن.
ـ حاله‌تێن گشتى يێن خوينه‌ربوونێ و ب تايبه‌تى خويبه‌ربوونا دفنێ ل گه‌ل چاره‌سه‌ريێ.
ـ حاله‌تێن برينداربوونێ.
ـ خه‌ندقينا مرۆڤى د ئاڤێدا (زارۆك و مه‌زن)
ـ ده‌رمانكرنا برينێن سۆتنێ
ـ پێڤه‌دان و له‌قدانا گيانه‌وه‌رێن مه‌ترسيدار و ژه‌هراوى وه‌كو مار و و دويپشكان.
هه‌ژييه‌ بێژين كو خۆلا هاوارهاتنێ بۆ ده‌مێ دوو ڕۆژان ل ڕێكه‌فتيێن (7 و 8 گولانا 2023) به‌رده‌وام بوو.