لیژنەیا خۆبەخشان

لیژنەیا خۆبەخشێن نەورۆز ل سالا 2020ێ هاتییە دامەزراندن. کو ژ قوتابیێن خۆبەخشێن زانکۆیا نەورۆز پێکدهێت. ئەڤ قوتابییە ب ئاوایەکێ خۆبەخشانە پشکداریێ د چالاکى و هەلکەفتێن جودا د ناڤ و دەرڤەى کەمپۆسا زانکۆیێدا دکەن. مەبەستا ئەڤێ لیژنەیێ فێرکرنا قوتابیان، بەرپرسیاریا جڤاکى و ئەندامەتیا جڤاکى ب ڕێیا پشکداریێ د ڕاهێنان و ب دەستڤەهینانا ئەزمووناندایە. ژ وان چالاکیێن کو لیژنەیا خۆبەخشێن قوتابیێن زانکۆیا نەورۆز تێدا پشکدار دبن: هاریکارى و بخێرهاتنا قوتابیێن نوى دهێنە وەرگرتن، پێشەوازى، ئاهەنگا دەرچوونێ و خزمەتکرنا جڤاکێ زانکۆیێ ...هتد.

ژ ئارمانجێن لیژنەیا خۆبەخشان:
ـ گیانێ ب هەڤڕا کارکرنێ ب ڕێکا کۆمکرنا قوتابیان ژ پشک و کۆلیژێن جودا و ڕێکخستن و پارڤەکرنا وان ل سەر تیمان.
ـ هەڤکاریا قوتابیان ژ بۆ ئاڤاکرن و پویتەدان ب بەهرە و پەیوەندیێن جڤاکى و پیشەیى.
ـ بهێزکرنا شیان و ئەزموونێن قوتابیان.
ـ هاندانا قوتابیان ژ بۆ پشکداریێ د چالاکیێن دەرڤەدا.
ـ گەشە و پویتەدان ب هزرا خۆبەخشیێ ب مەبەستا هەڤکاریکرنا جڤاکى د بۆیەرێن جودادا.