قوتابیێن زانكۆیا نەورۆز و زانكۆیا دهۆكێ دادگەهەكا گریمانەیی رێكخستن
ل رۆژا ئێكشەمبێ رێكەفتی (13/4/2025) ل دەمژمێر (10:00) سپێدێ، پشکا یاسایێ ل کۆلیژا یاسا و زانستێن سیاسی ب هەڤکاری ل گەل کۆلیژا یاسایێ ل زانکۆیا دهۆکێ، دادگەهەکا گریمانەیی بۆ قوتابیان ڕێکخست. د ئەڤێ چالاکیێدا قوتابیێن هەردو زانکۆیان ب رۆلێ “دادوەر، داواکارێ گشتی، پارێزەر، تاوانبار و تاوانلێکری” رابوون.
د چالاکیا ناڤبریدا، سەرۆکێ زانکۆیێ، هاریکارێ سەرۆکێ زانکۆیێ، رێڤەبەرێ پۆلیسێن دهۆکێ، فەرمانگەها داواکاریا گشتی ل پارێزگەها دهۆکێ، راگرێ کۆلیژا یاسایێ ل زانکۆیا نەورۆز و نوینەرێ پشکا یاسایێ ل زانکۆیا دهۆکێ بەرهەڤ ببوون.
