زانکۆیا نەورۆز و زانکۆیا دورهام یا بریتانی پشته‌ڤانيا دارايى يا سازيا نێڤده‌وله‌تى British Academy ب ده‌ستڤه‌ئينا و د رێوره‌سمه‌كێ تايبه‌تدا ل ڕۆژا چارشه‌مبێ رێكه‌فتى (7/6/2023) ب ئامادەبوونا پ. د. عەلی تەتەر پارێزگەرێ دهۆکێ و پ. د. عەبدولوەهاب خالد مووسا سەرۆکێ زانکۆیێ و ب پشکداریا سەرۆکێ دەستەیا ئەمینداران پ. د. لەزگین عەبدی جەمیل و ب بەرهەڤبوونا مامۆستا و ڤەکۆلەر و دەزگەهێن راگەهاندنێ، پرۆژه‌ ب ناڤونيشانێ “ئاڤاکرنا شیانێن ڤەکۆلین و نڤیسیا ئەکادیمی” هاته‌ راگه‌هاندن.
ل ده‌سپێكێ سه‌رۆكێ زانكۆيێ په‌يڤه‌ك پێشكێشكر و ئاماژه‌ ب گرنگيا ئه‌ڤى پرۆژه‌ى و چه‌ندين پرۆژه‌يێن دى يێن زانكۆيا نه‌ورۆز ل گه‌ل سازى و زانكۆيێن نێڤده‌وله‌تى دا. ل دويڤدا پارێزگه‌رێ دهۆكێ پيرۆزباهى ل زانكۆيا نه‌ورۆز ژبه‌ر ب ده‌ستڤه‌ئينانا ئه‌ڤان پرۆژه‌يان كر و خواست هه‌ر تشته‌ك د به‌رژه‌وه‌نديا كوردستانێدا بهێته‌كرن. پاشى هه‌ردو ڤه‌كۆله‌رێن ئەڤ پرۆژەیە بدەستڤەئینای د. محه‌مه‌دعه‌لى ياسين ژ زانكۆيا نه‌ورۆز و د. بە‌هار باشير ژ زانكۆيا دورهام ب هوير ل سه‌ر ناڤه‌رۆكا پرۆژه‌يى ئاخڤتن، کو بۆ چەندین هەیڤان کار ل سەر دکر، و پاشی مزگینیا ڤەکرنا ده‌رگه‌هێ پێشكێشكرنێ بۆ ڤه‌كۆله‌ران راگەهاند. ژ كوژيه‌كێ دى پ. د. هه‌يسه‌م تاها وه‌كو راوێژكارێ زانكۆيێ د وارێ ڤه‌كۆلين و پێشئێخستنێدا به‌حسێ گرنگيا ب ده‌ستڤه‌ئينانا ئه‌ڤان پرۆژه‌يان و ب ناڤده‌وله‌تيكرنا زانكۆيێ دا.
هه‌ژیە بێژين ئه‌ڤه‌ بۆ جارا دويێيه‌ ئه‌ڤ پرۆژه‌يه‌ ژ لايێ سازيا British Academy ب زانكۆيا نه‌ورۆز و زانكۆيا دورهام دهێته‌دان.