ل رۆژا ئێکشەمبێ رێکەفتی (7/9/2025) ل دەمژمێر (11:00) سپێدێ، ب هەلکەفتا دامەزراندنا کۆما گەنجێن خواندەڤان یا سەر ب رێڤەبەریا گشتی یا رەوشەنبیری و هونەری ڤە ل دهۆکێ، راگرێ کۆلیژا زمانان ل زانکۆیا نەورۆز پ. د. ئەمین عەبدولقادر سمینارەک ب ناڤونیشانێ “چاوانیا بلندکرنا ئاستێ بەرهەمان ب زمانی کوردی” پێشکێشکر. هەر د ئەڤێ هەلکەفتێدا یاکو هەڤدەم ل گەل رۆژا جیهانیا بەرهنگاربوونا نەخواندەواریێ، راگرێ کۆلیژا زمانان و هەر ئێک ژ د. عەبدولرەحمان شنگالی (مامۆستایێ پشکا زمانێ کوردی) و مامۆستا عەلی عەبدولقادر (سەرۆکێ پشکا دەروونناسیێ) وەکو پشتەڤانێن ب کەلتوورکرنا خواندنێ ل ناڤ جڤاکی هاتنە خەلاتکرن.
هەژیە بێژین، کو سەرۆکا کۆما خواندەڤانێن گەنج ژی (پەیڤین نسرەت) دەرچوویا زانکۆیا نەورۆزە.