ل ڕۆژا سێشەمبێ ڕێکەفتى (9/2/2021) شاندەکێ زانکۆیا نەورۆز ب سەرپەرشتییا ڕێزدار پرۆفیسۆر دکتۆر (عەبدولوەهاب خالد مووسا) سەرۆکێ زانکۆیێ و ب ئامادەبوونا بەڕێز دکتۆر (ئارام محەمەد قادر) وەزیرێ خواندنا بلند و ڤەکۆلینێن زانستى و سەرۆکێ زانکۆیێن هەرێما کوردستانێ، ڕێورەسمێن دابەشکرنا باوەرنامەیا زانکۆیا (HAMK) یا فلندى ل سەر (53) پشکدارێن ڕاوەندێ ئێک و دوو یێن پێداگوجى و پەرەپێدانا ئەکادیمى ل سەنتەرێ ڕەوشەنبیرییێ زانکۆیا سەلاحەددین برێڤەچوون.
جهێ ئاماژەپێدانێیە، کو پرۆفیسۆر دکتۆر (عەبدولوەهاب خالد مووسا) د ڕێورەسمێن بەخشین و دانا باوەرنامەیاندا ئامادەببوو، هەروەسا ڕێزداران پرۆفیسۆر دکتۆر (حسێن گەرگەرى) و مامۆستا (موئەیەد محەمەد عەبدولقادر) ژ زانکۆیا نەورۆز پشکدارى خۆلان ببوون و باوەرنامەیا زانکۆیا (HAMK) یا فلندى وەرگرتن.
فەرە بهێتەگۆتن، کو ڕێزدار سەرۆکێ زانکۆیا نەورۆز ب بەردەوامى پشتەڤانییا پڕۆژەیێن وەها گرنگ کرییە و هەر ژ دەستپێکێ گرنگى ب بابەتێ پەرەپێدانا ئەکادیمى و هاندانا مامۆستایان و فرێکرنا ئەوان ژ بۆ خۆل و ڕاهێنانێن تایبەت دایە.