زانكۆيا نه‌ورۆز و زانكۆيا دهۆكێ ياداشتنامه‌يه‌كا لێكتێگه‌هشتنێ ئيمزا كر
د چارچووڤه‌يێ هاريكاريا ئه‌كاديمى يا د ناڤبه‌را كۆليژا ياسا و زانستێن سياسى ل زانكۆيا نه‌ورۆز و كۆليژا ياسايێ ل زانكۆيا دهۆكێ، ل رۆژا چارشه‌مبێ رێكه‌فتى (17/9/2025 ) ل ده‌مژمێر (9:30) سپێدێ، ياداشتنامه‌يه‌كا لێكتێگه‌هشتنێ ب ئارمانجا بهێزكرنا په‌يوه‌نديێن زانستى و ئه‌كاديمى د ناڤبه‌را هه‌ردو كۆليژان هاته ئيمزا كرن. د ناڤه‌رۆكا ياداشتنامه‌يێدا چه‌ندين خالێن گرنگ جهێ خۆ كرينه، وه‌كو "خورتكرنا هاريكاريێن ئه‌كاديمى، ڕێكخستنا كۆنفرانس، سه‌مپۆزيۆم، كۆربه‌ند و چالاكيێن زانستى، ئه‌نجامدانا چالاكيا دادگه‌ها گريمانه‌يى د ناڤبه‌را كلينيكێن ياسايى ل هه‌ردو كۆليژاندا، لێكگوهۆرينا ستافێ ئه‌كاديمى و سه‌ره‌دانا قوتابيان بۆ هه‌ردوو كۆليژان.. هتد.". هه‌ژيه بێژين، كو ل رێكه‌فتى (21/9/2025) ئێكه‌م پێنگاڤا كاراكرنا ياداشتنامه‌يێ د ناڤبه‌را هه‌ردو زانكۆياندا ب ئاوايێ پراكتيكى ده‌ستپێدكه‌ت.
