ئەڤرۆ چارشەمبێ رێکەفتی ٦\٨\٢٠٢٥ سەرۆکێ زانکۆیا نەورۆز پ. هـ. د. مێڤان عارف عەبدولرەحمان و هاریکارێ وی بۆ کاروبارێن زانستی پ. د. موئەید ئەغالی پێشوازی ل شاندەکێ پەیمانگەها ئارارات یا تەکنیکی ب سەرۆکاتیا راگرێ وێ پ. هـ. د. ئدریس عەلی حەسەن کر. د دیدارەکێ دا هەردو لایان باسی رێکێن پێشڤەبرنا هەڤکاریا هەڤپشک دناڤبەرا هەردو سازیان دا کر و یاداشنامەیەکا لێکتێگەهشتنێ یا گرنگ د بەرژەوەندا قوتابیێن دەرچوویێن پەیمانگەها ئارارات یا تایبەت ئیمزا کر. ئەڤ یاداشتنامەیە چەند برگەیەکێن گرنگ ب خۆڤە دگریت، ژوان ژی هندەک ئۆفەرێن تایبەت بۆ وان قوتابیێن دڤێن خواندنا خۆ ل زانکۆیا نەورۆز تمام بکەن، ژبلی جەختیێ ل سەر پرۆگرامێن لێکگوهارتنێن ئەکادیمی و کارێن زانستی یێن هەڤپشک دناڤبەرا هەردو سازیان دا.

ئەڤ لێکتێگەهشتنە د چارچووڤەیێ دیتنا زانکۆیا نەورۆز دا دهێت کو پێگەهێ خۆ وەکو سازیەکا ئەکادیمی یا پێشەنگ ل کوردستانێ بپارێزیت و بزاڤێ دکەت پەیوەندیێن خۆ بەرفرەه بکەت بۆ پتر بەردەستکرنا دەلیڤەیێن خواندنێ بۆ قوتابیان و ئاڤاکرنا پاشەرۆژەکا ئەکادیمی یا هیڤیبەخش.