سەرۆکێ زانکۆیا نەورۆز، پ. هـ. د. مێڤان عارف بادی، رێکەفتننامەیەکا هەڤکاریێ دگەل سەنتەرێ ئوردنی یێ ڤەکۆلینان ل رۆژا چارشەمبێ ٧\٨\٢٠٢٤ ل سەرۆکاتیا زانکۆیێ ئیمزا کر، ب ئارمانجا بهێزکرنا هەڤکاریا ڤەکۆلینی و هەماهەنگیا ئەکادیمی د ناڤبەرا هەردو لایان دا.
رێورەسمێن ئیمزاکرنێ ب پشکداریا رێڤەبەرا سەنتەرێ ئوردنی د. وفاء مهنا مصطفى ب رێیا پەیوەندیا ڤیدیۆیی و دەنگی و ب نوینەریا هەردو ئەندامێن سەنتەری پ. هـ. د. منال السماک و د. امال الطائي و ب ئامادەبوونا هاریکارێ سەرۆکێ زانکۆیێ پ. د. هوگر طاهر توفيق و راگرێ کولیژا کارگێری و ئابووری پ. د. حکمت رشید سلطان هاتە ئەنجامدان.
رێکەفتن کو بۆ ماوێ سێ سالان هاتیە ئەنجامدان، تەکەزیێ ل سەر بهێزکرنا هاریکاریا هەڤپشک د وارێن ڤەکۆلین و بەلاڤکرنا ئەکادیمی و رێکخستنا کۆنفرانسێن زانستی د ناڤبەرا هەردو لایان دا دکەت.