زانکۆیا نەورۆز مێڤانداریا قارەمانیا دیبەیتێن زانکۆیان هەرێما کوردستانێ دکەت
ل رۆژێن ئێکشەمبی و دوشەمبی رێکەفتی ٩-١٠\٧\٢٠٢٣ زانکۆیا نەورۆز مێڤانداریا قارەمانیا دیبەیتێن زانکۆیان ل هەرێما کوردستانێ و ئیراقێ کر، کو ئەکادیمیا نێڤدەولەتی یا سەرکردایەتی و گەشەپێدانێ ب هەڤکاری ل گەل دەزگەهێ روانگە و زانکۆیا کوردستان رێکخست بوو. ئەڤە بۆ جارا ئێکێ یە ئەڤ قارەمانیە ل هەرێما کوردستانێ و ئیراقێ دهێتە کرن، کو ڤێ جارێ هەڤدە زانکۆ ژ هەرێما کوردستانێ تێدا پشکدارن و پێنج ژ وان ژ پارێزگەها دهۆکێ نە، ئەو ژی زانکۆیا نەورۆز، زانکۆیا ئەمریکی، زانکۆیا دهۆک، زانکۆیا زاخۆ، و زانکۆیا دهۆک یا پۆلیتەکنیک. دهێتە زانین، پشتی چەند حەفتیەکێن دی دێ چارگۆشەیێ زێرین یێ سەرکەفتیێن زانکۆیێن هەرێمێ ل هەولێرێ بیت و بەربژێرێ ئێکێ دێ نوونەریا ئیراقێ ل قارەمانیا قەتەر کەت، کو دێ د قارەمانیا نێڤدەولەتی یا دیبەتێن زانکۆیێن وەلاتێن عەرەبی ل وێرێ هێتەکرن.
