ب ئارمانجا بلندكرنا ئاستێ رەوشەنبیریێ قوتابیێن كۆلیژا یاسا و زانستێن سیاسی ژ لایێ زمانی ڤە، رێكەفتنامەیەكا هەڤکاریێ د ناڤبەرا زانكۆیا نەورۆز و پەیمانگەها پێنۆس یا فێركرنا زمانان دا هاتە ئیمزاكرن.
د پەیڤەكێدا سەرۆكێ زانكۆیا نەورۆز پ. هـ. د. مێڤان عارف عەبدولرەحمان، تەكەزی ل سەر گرنگیا ناڤەرۆكا رێكەفتنامەیێ بۆ خزمەتا جڤاكێ كوردستانێ ب گشتی و پارێزگەها دهۆكێ ب تایبەتی كر.
د ناڤەرۆكا رێكەفتنامەیێ دا چەندین خالێن گرنگ هاتینە بنەجهكرن، وەكو: ڤەكرنا خۆلێن فێركرن و پێشئێخستنا ئاستێ زمانێ عەرەبی د بیاڤێ یاسایێ دا بۆ قوتابیێن قۆناغێن دووماهیێ یێن كۆلیژا یاسا و زانستێن سیاسی.. هتد. هەژیە بێژین، ل دەمێ ئیمزاكرنا رێكەفتنامەیێ سەرۆكێ زانكۆیێ، هاریكارێ سەرۆكێ زانكۆیێ بۆ كاروبارێن كارگێری و دارایی و قوتابیان، و راگرێ كۆلیژا یاسا و زانستێن سیاسی و سەنتەرێ سی دی سی و شاندێ پەیمانگەها ناڤبری ئامادە ببوون.