سەرۆکێ زانکۆیا نەورۆز، پ.هـ. د. مێڤان عارف عەبدولرەحمان، پشکداری د وێ روينشتنا ئەکادیمی دا کر ئەوا ژ لایێ سەنتەرێ جڤاکێ نەمساوی ل زانکۆیا کوردستان – هەولێر هاتیە رێکخستن، ب ناڤونیشانێ «دارێشتنا پاشەرۆژێ: گەشەپێدانا ل سەر بنەمایێ داتایان ب هزرێن خۆمالی و دیتنەکا جیهانی»، ئەڤ چەندە ژی ل رۆژا شەمبی رێکەفتی 14ـی کانوونا ئێکێ 2025، ل کەمپسا زانکۆیا کوردستان – هەولێر ب رێڤەچوو.

روینشتن ژ لایێ بەرێز سیۆنگچۆل لیم، کۆنسولێ گشتی یێ کۆمارا کۆریا ل هەولێرێ هاتە پێشکێشکرن، کو تێدا تەوەرێن روونشتنێ بەحس ل رۆلێ نویگەریا ل سەر بنەمایێ داتایان، گرنگیا تەمامکاریێ د ناڤبەرا رەهەندێن خۆمالی و جیهانی دا، و هەروەسا ئالوگۆرکرنا زانینێ د پشتەڤانیکرنا گەشەپێدانا بەردەوام و ئاڤاکرنا دیتنێن پاشەرۆژێ بۆ پێشڤەچوونێ کر.

پشکداریا سەرۆکێ زانکۆیا نەورۆز د ڤێ چالاکییێ دا د چارچووڤەیێ پەرۆشیا زانکۆیێ دا دهێت بۆ ب هێزکرنا بەرهەڤبوونا خۆ د چالاکیێن ئەکادیمی یێن ناڤدەولەتی دا، و پشکداریکرن د گەنگەشەیێن زانستی یێن گرێدای وەرچەرخانا دجیتالی و گەشەپێدانا بەردەوام، زێدەباری بەرفرەهکرنا ئاسۆیێن هەڤکاریا ئەکادیمی دگەل دامەزراوەیێن زانکۆیی و دپلۆماسی، ب شێوەیەکێ کو دگەل دیتن و پەیاما زانکۆیێ بگونجیت د پشتەڤانیکرنا خواندنا بلند و توێژینێن زانستی و خزمەتکرنا جڤاکی دا.