سەرۆکێ زانکۆیا نەورۆز پشکداری روینشتنا سەرۆکێن زانکۆیان بوو
ئەڤرۆ رۆژا چارشەمبێ رێکەفتی (10/12/2025) ل دەمژمێر (11:00) سپێدەیێ، سەرۆکێ زانکۆیا نەورۆز، پ. هـ. د. مێڤان عارف عەبدولرەحمان، ل هەولێرا پایتەخت پشکدارى د روینشتنا سەرۆکێن زانکۆیان دا کر، کو یا تایبەت بوو ل دۆر "رۆلێ سەرکردەیێن زانکۆیان د دارشتنا پاشەرۆژا پەروەردەیێ ب زمانێ ئینگلیزى ل هەرێما کوردستانێ دا". سەرۆکێ زانکۆیا نەورۆز د تەوەرەکی دا وەکو پەنەلیست بەحسێ رۆل و دیتنا زانکۆیا نەورۆز و پلانێن وێ بۆ دەمێ نوکە و پاشەرۆژێ کر، ب تایبەت ل سەر دەمێ پێشڤەچوونا تەکنولوجی و ژیریا دەستکرد دا ل بیاڤێن ئەکادیمی.
ئەڤ روینشتنە ژ لایێ ڤژن ئیجوکەیشن و کۆمەلا تیسۆلا کوردستانێ ل زانکۆیا کوردستان - هەولێر هاتبوو رێکخستن، کو چەندین کەسایەتیێن ئەکادیمى و سەرۆکێن زانکۆیان تێدا پشکدار ببوون و دیتنێن خۆ ل دۆر مژارێ پێشکێش کرن.
