ل رۆژا ئێکشەمبێ رێکەفتى (23/11/2025) ل دەمژمێر (10:00) سپێدێ، سەرۆکێ زانکۆیا نەورۆز پ. هـ. د. مێڤان عارف عەبدولرەحمان و هاریکارێ سەرۆکێ زانکۆیێ بۆ کاروبارێن زانستى پ. د. موئەیەد ئەغالى میرزا، پشکدارى د چالاکیەکا گرنگ یا ب ناڤونیشانێ "کاریگەریا پەروەردەیێ: ژ دەرئەنجامان بۆ کارتێکرنێ" دا ل زانکۆیا دهۆکێ کرن. چالاکى ژ لایێ دەستەیا باوەریدان ب پەروەردەیێ ل هەرێما کوردستانێ و ب هەماهەنگى ل گەل وەزارەتا خواندنا بلند و ڤەکۆلینێن زانستی هاتە گێران. د. هونەر عیسا سکرتێرێ گشتییێ دەستەیێ سمینارەک پێشکێشکر، و ئاماژە دا بنەما و میکانیزمێن سەردەمیانە یێن بلندکرنا کوالێتیا بەرنامەیێن ئەکادیمى یێن ل گەل بازارێ کارى و ل گەل ستانداردێن ناڤدەولەتى یێن باوەریپێدانێ بگونجن. تێدا بەحسێ زانکۆیا نەورۆز ژی کر کو ئێک ژ وان زانکۆیێن هەلبژارتیە بۆ ناڤ ڤی بەرنامەی و د قووناغا خۆئامادەکرنێ دایە.
د چالاکیێدا ژمارەیەکا کەسایەتیێن ئەکادیمى، راگرێن کۆلیژان، سەرۆکێن پشکان و مامۆستایێن زانکۆیێن پارێزگەها دهۆکێ ئامادە ببوون.