د چارچووڤێ هەولدانێن زانکۆیا نەورۆز دا کو ئامادەبوونا خۆ یا ئەکادیمی ل سەر ئاستێ نێڤدەولەتی بهێزبێخیت و ب مەرەما بەرفرەهکرنا تۆڕێن هەڤکاریا ئەکادیمی، سەرۆکێ زانکۆیێ، پ. هـ. د. مێڤان عارف عبدالرحمن، د چالاکیێن کۆنفرانسێ سالانە یێ NAFSA 2025 دا پشکدارە، کو مەزنترین کۆمبوونا جیهانی یە بۆ پسپۆرێن د بوارێ خواندنا نێڤدەولەتی دا، و ئەڤ سالە ل باژێرێ سان دیێگۆ، وەلاتێ ئەمریکا دهێتە گرێدان.
ئەڤ بەشداریکرنا فەرمی دناڤ شاندەکێ وەزاری دایە ژ هەرێما کوردستانا عیراقێ کو ژلایێ وەزیرێ خواندنا بلند و ڤەکۆلینێن زانستی ڤە دهێتە سەرپەرشتیکرن، و شازدە سەرۆکێن زانکۆیان ژ زانکۆیێن هەرێمێ، یێن حکومی و تایبەت پشکدارن، د ماوەیێ دناڤبەرا 24 -5- 2025 هەتا 9- 6 - 2025 دا یە.
گرنگیا ڤی کونفرانسی بۆ پەرەپێدانا هەڤکاریێ یە دگەل زانکۆ و دامەزراوێن نێڤدەولەتی، و ناساندنا پرۆگرامێن ئەکادیمی و ڤەکۆلینی یێن زانکۆیێ، و دیتنا دەرفەتێن هەڤپشکیێ د بوارێن گوهۆڕینا قوتابی و ئەکادیمی، و پێگیرییا ئەکادیمی، و گەشەپێدانا شیانێن دامەزراوەیی یە.
NAFSA (کۆمەڵا پەروەردەکارێن نێڤدەولەتی) پلاتفۆرمەکا پێشەنگە کو بەشداربوویێن ژ زێدەتری 100 دەولەتان ڤەدگریت، و ئارمانجا وێ گوهۆڕینا ئەزموون و سیاسەت و ئاراستەکرنێن پاشەڕۆژێ یە د بوارێ خواندنا بلندا نێڤدەولەتی دا