سەرۆکێ زانکۆیا نەورۆز پێشوازى ل رێڤەبەرێ جێبجێکارێ ڤژن ئیجۆکەیشن کر
ل رۆژا دوشەمبێ رێکەفتى (3/11/2025) ل دەمژمێر (11:00) سپێدێ، سەرۆکێ زانکۆیا نەورۆز پ. هـ. د. مێڤان عارف عەبدولرەحمان ب گەرمى پێشوازى ل بەرێز پ. د. دانا خدر مەولوود رێڤەبەرێ جێبجێکارێ ڤژن ئیجۆکەیشن کر. ل دەستپێکا بخێرهاتنێ، ئاڤاهیێ نویژەنکریێ سەرۆکایەتیا زانکۆیا نەورۆز ژ لایێ بەرێزی ڤە هاتە ڤەکرن و پاشی گەریانەک بۆ ناڤ کۆلیژێن زانکۆیێ و پشکێن وێ یێن زانستی کر و ژ نێزیک هایداری رەوشا زانکۆیێ بوو. د دویڤ دا، ب ئامادەبوونا دەستەکا ئەمینداران و جڤاتا زانکۆیێ ب تێر و تەسەلى بەحسێ ڕەوش و پێڤاژۆیا ئەکادیمی یا زانکۆیا نەورۆزێ هاتەکرن.
رێڤەبەرێ جێبجێکارێ ڤژن ئیجۆکەیشن، پشتەڤانیا خۆ بۆ زانکۆیا نەورۆز و کارێن زانستى و ئەکادیمى و گێرانا کۆر و کۆنفرانس و جڤینێن ناڤدەولەتى ل ناڤخۆ و دەرڤەى وەلاتى راگەهاند و هیڤیا سەرکەفتن و پێشڤەچوونێن هەرەباش بۆ زانکۆیێ خواست. ژ لایێ خۆ ڤە سەرۆکێ زانکۆیێ خۆشحالیا خۆ ب سەرەدانێ دیار کر.
