ل ڕۆژێن شەمبی و ئێکشەمبێ ڕێکەفتییێن (9/1/2021 - 10) ل دەمژمێر (9:00) سپێدێ، ڕێزدار پرۆفیسۆر دکتۆر عەبدولوەهاب خالد مووسا سەرۆکێ زانکۆیا نەورۆز، ل گەل بەڕێزان دکتۆر محەمەدعەلى یاسین هاریکارێ سەرۆکێ زانکۆیێ بۆ کاروبارێن کارگێرى و دارایى و قوتابییان و دکتۆر شڤان ئەحمەد محەمەد هاریکارێ سەرۆکێ زانکۆیێ بۆ کاروبارێن زانستى و خواندنا بلند، سەرەدانا هۆلێن ئەزموونان ل کۆلیژان ب مەبەستا دیتن و ئاگەهداربوون ژ چاوانییا برێڤەچوونا ئەزموونێن سمستەرێ ئێکێ و ئەزموونێن نیڤا سالێ یێن سالا خواندنێ (2020-2021) کرن.
د سەرەدانا خوەدا بەڕێزان ژ نێزیک ئاگەهدارى ل دۆر ڕەوشا ئەزموونان و پڕۆسێسا ئەنجامدانێ وەرگرتن و هێڤییا بەختەکێ باش بۆ هەمى قوتابییان خوازتن.