پشتی مامۆستایێ زانکۆیا نەورۆز یێ سەر ب کولیژا زمانان ڤە ل پشکا وەرگێرانێ (د. یاسرێ حەسەنی) پەرتووکەکا هەڤپشک ل گەل هەردو مامۆستایێن زانکۆیا ئێکستەر یا بریتانی (د. کلیمونس سکالبێرت یۆسێل و د. فەرەنگیس قادری) ل لەندەن بەلاڤ کری، هەرسێ نڤیسەرێن پەرتووکێ ل گەل هەردو مامۆستایێن زانکۆیا کەیمبرێج و زانکۆیا جۆرج مەیسن (د. مارلین شافەرس و مامۆستا هۆلی مۆرگن) پشکداری سەمپۆزیومەکێ بوون ب رێکا ئەنترنێتێ. ئەڤ سەمپۆزیومە، کو ژ لایێ کۆڤارا Kurdish Studies یا ئەکادیمی و وەشانخانەیا Transnational Press London هات بوو رێکخستن، یا تەرخانکری بوو بۆ گەنگەشە و دانوستاندنێ ل دۆر پەرتووکا مامۆستایێن ناڤبری ئەوا ب ناڤێ Women’s Voices from Kurdistan: A Selection of Kurdish Poetry. وێبینار ل ئێڤارا رۆژا ئەینێ ١٧\٠٦\٢٠٢١ هاتە پێشکێشکرن و نێزیکی دەمژێر و نیڤان ڤەکێشا. دهێتە زانین پەرتووکا ناڤبری د مەها نیسانا ئەڤ سالە دا ب پشتەڤانیا ئینستیتیۆتا بریتانی یا ڤەکۆلین ل دۆر ئیراقێ و سەنتەرێ ڤەکۆلینێن کوردی یێ زانکۆیا ئێکستەر هاتیە بەرهەمئینان و ژ وەشانێن