ل رێکەفتى (27/2/2021) ل دەمژمێر (11:00) نیڤرۆ، ب ئامادەبوونا (پ. د. عەبدولوەهاب خالد مووسا) سەرۆکێ زانکۆیێ و هاریکارێن سەرۆکێ زانکۆیێ و راگرێن کولیژان، یاریا دووماهیێ ژ قارەمانیا تەپا پێی ئەوا ژ لایێ ئێکەتیا قوتاببێن کوردستانێڤە هاتیە رێکخستن و بۆ دەمێ 20 رۆژان بەردەوامبووى هاتەکرن. هەژییە بێژین، کو یاریا دووماهیێ د ناڤبەرا تیما فەرمانبەرێن زانکۆیێ و قوتابیێن قۆناغا چارێ یێن پشکا کارگێرى کاردا هاتە ئەنجامدان. پشتى هەڤرکییەکا دژوار و یاریەکا بهێز، تیما قوتابیان شیان سەرکەڤتنێ ب دەستڤەبهینن.
جهێ ئاماژەپێدانێیە، کو د قارەمانیا ناڤبریدا پتر ژ 30 تیمان پشکداربوون و ب شێوازێ کەڤتنا بەرئێک یاری دهاتنەکرن.