ئەڤرۆ ڕێکەفتى (11/11/2021) ل دەمژمێر (12:00) نیڤرۆ یاریا دووماهیێ ژ قارەمانیا تەپا ل سەرمێزێ د ناڤبەرا زانکۆیا نەورۆز و زانکۆیا دهۆک ل هۆلا پەروەردەیا وەرزشى ل زانکۆیا دهۆک هاتەکرن و زانکۆیا نەورۆز شیا ب سەرکەفتنەکا مەزن یاریێ د بەرژەوەندیا خۆدا ب دووماهیک بهینیت.
یاریزانێ زانکۆیا نەورۆز پیرس عەلی ب هەمى هێز و شیانێن خۆ یاری دکر و شیا ئاستەکێ هەرەباش پێشکێش بکەت و 4 گێمان ژ هەڤڕکێ خۆ ببەت.
هەژى ئاماژەپێدانێیە، کو د. محەمەدعەلى یاسین هاریکارێ سەرۆکێ زانکۆیێ د یاریا دووماهیێدا بەرهەڤبوو و پشتەڤانیا خۆ بۆ یاریزان و تیما تەپا سەرمێزێ یا زانکۆیا نەورۆز دیارکر.
د قارەمانیا ناڤبریدا هەمى زانکۆیێن پارێزگەها دهۆکێ پشکداربوون و زانکۆیا نەورۆز شیا ببیتە قارەمانا یاریا تەپا سەرمێزێ.