د ڕێورەسمەکێ تایبەتدا و ل ناڤ کەمپسا زانکۆیێ پێشوازى ل پشکدارێن فێرگەها هاڤینێ و کەمپا زانکۆیا نەورۆز هاتەکرن. پ. د. عه‌بدولوه‌هاب خالد مووسا سەرۆکێ زانکۆیێ و د. محه‌مه‌دعه‌لى ياسين تاها هاریکارێ سەرۆکێ زانکۆیێ و سه‌رپه‌رشتێ گشتى يێ فێرگه‌هێ ل گەل د. عه‌بدوللا جلال الدين ڕێڤەبەرێ کەمپێ ب هویرى بەحسێ ڕێنمایێن فێرگەهێ و چاوانییا سەرئێخستنا فێرگەهێ کرن. پاشى، پشکدارێن كه‌مپسێ بەرەڤ جهێ فێرگەهێ ب ڕێکەفتن.
ل ڕۆژا ئێكێ يا فێرگه‌هێ و ل ده‌مێ گه‌هشتنا پشكداران د. محه‌مه‌دعه‌لى ياسين تاها وه‌كو سه‌رپه‌رشتێ گشتى يێ فێرگه‌هێ چه‌ندين خال و بنه‌ما ل جهێ كه‌مپسێ بۆ پشكداران ڕۆهنكرن و ل دويڤدا قوتابى ب ئاوايێ گرۆپ گرۆپ ل سه‌ر خيڤه‌تان هاتنه‌ به‌لاڤكرن. پاشى، كار و چالاكيێن ڕۆژا ئێكێ يا فێرگه‌هێ ب پێشكێشكرنا ووركشۆپه‌كێ ل سه‌ر "سيسته‌مێ خوارنێ و خۆپاراستنێ، هاوارهاتنا ده‌ستپێكى" ژ لايێ د. مهاباد عارف و شه‌نگست خانمێ ڤه‌ ده‌ستپێكر. ل دويڤ دا و ل گۆره‌ى خشته‌يێ فێرگه‌هێ كار و چالاكى هاتنه‌كرن.
هه‌ژييه‌ بێژين، كو قوتابى ژ سه‌رانسه‌رى زانكۆيێن هه‌رێما كوردستانێ پشكدارى فێرگه‌ها هاڤينێ و كه‌مپسا زانكۆيا نه‌ورزۆزن و دێ بۆ ده‌مێ 7 ڕۆژان ب بابه‌ت و چالاكيێن مفادار به‌رده‌وام بن.