کۆلیژا زمان

پ. د. ئەمین عەبدولقادر عومەر، راگرێ كۆلیژا زمانان ب هەماهەنگی ل گەل سازیا ڤژن ئیجۆكەیشن و كۆنسلخانەیا گشتی یا وەلاتێ چینێ ل هەولێرێ و وەزارەتا بازرگانی یا وی وەلاتی، پشكداری د خولا "ستانداركرنا پەروەردەیێ ل وەلاتێن نووگەهشتی" ل وەلاتێ چینێ دا كر.
خۆلا ناڤبری ژ لایێ پەیمانگەها چەنگدۆ یا ستانداركرنێ بۆ 9 وەلاتێن د قووناغا پێشكەفتنێ دا ل رێكەفتی 6 هەتا 19 خزیرانا 2025ێ ل باژێرێ چەنگدۆ هاتە رێكخستن. ئارمانجا خولێ پێگەهاندنا پشكداران ل سەر چاوانیا بكارهینان و پاراستنا ستانداردێن جیهانی د بەرهەمهینانێ دا بوو.
هەژیە بێژین، خول ژ لایێ پسپۆرێن ئەکادیمی یێن وەلاتێ چینێ ل زانکۆ و پەیمانگەهێن جودا و ژ باژێرێن جودا یێن چینێ ڤە هاتە ب رێڤەبرن. هەروەسا سەرەدانێن مەیدانی بۆ ناڤەندێن ئەکادیمی و کۆمپانیایێن بەرهەمهینانێ ل باژێرێن چەنگدۆ و پەکین هاتەكرن، كو ئەڤ سەرەدانە پشكەك ژ بەرنامەیێ خولێ بوون. گرنگە بێژین کو نوینەرێن ٩ وەلاتان ژ رۆژهەلاتا ناڤین، ئەورۆپا، ئەفریقیا و ئەمریکایا لاتین پشکدار ببوون.