کۆلیژا یاسا و زانستێن سیاسی

د چارچۆڤێ هەڤکاریێن بەردەوام د وارێن ئەکادیمی و هوشیارکرنا جڤاکی دا دناڤبەرا کولیژا یاسا و زانستێن سیاسی ل زانکویا نەورۆز و رێڤەبەریا بەرهنگاربوونا توندوتیژیا ل دژی ئافرەتان و خێزانێ ل پارێزگەها دهۆکێ، و ل دویڤ وێ یاداشتناما لێکتێگەهشتنێ دناڤبەرا هەردو لایەنان دا هاتیە ئیمزاکرن، ل رۆژا چارشەمبی، رێکەفتی ١٥ى ئۆکتۆبەرا ٢٠٢٥ێ، قوتابیێن پشکا یاسایێ ب سەرپەرشتیا راگرێ کۆلیژێ (پ. د. دلشاد عەبدولرەحمان) سەرەدانەکا زانستی برە بارەگایێ رێڤەبەریا ناڤبری.

د ڤێ سەرەدانێ دا، عەقیدێ مافپەروەر وەلات سەدیق ئیبراهیم ب گەرمی ب خێرهاتنا شاندێ قوتابیێن زانکۆیا نەورۆز کر و سمینارەك ل دۆر کار و چالاکیێن رێڤەبەریا خۆ کر. پاشی عەقیدێ مافپەروەر نیهاد عەلی، بەرپرسێ بەشێ یاسایی ل ڕێڤەبەریێ، ب تێر و تەسەلی باس لسەر پرۆسەیا ڤەکۆلینێ و یاسایا ژمارە (٨) یا سالا (٢٠١١) یا تایبەت ب بەرهنگاربوونا توندوتیژیا خێزانی ل هەرێما کوردستانێ کر.
ئارمانج ژ ڤێ چالاکیێ بلندکرنا ئاستێ هۆشیاریا قوتابیان بوو دەربارەی میکانیزمێن پاراستنا خێزانێ و کێمکرنا دیاردەیا توندوتیژیێ د ناڤ جڤاکی دا.