ب ئاماده‌بوونا به‌رێز ئدريس نێچيرڤان بارزانى سه‌رۆك و دامه‌زرێنه‌رێ فژن ئيجۆكه‌يشن و سه‌رۆكێ زانكۆيێ پ. هـ. د. مێڤان عارف عه‌بدولره‌حمان و جڤاتا زانكۆيێ و ده‌سته‌يا ئه‌مينداران و مامۆستا و قوتابيێن هێژا، زانكۆيا نه‌ورۆز فيستيڤالا سالانه‌ يا قوتابيان - سالا ئێكێ، ل رۆژا شه‌مبيێ رێكه‌فتى (19/4/2025) ل ده‌مژمێر (11:00) سپێدێ گێرا. د فيستيڤالا ناڤبريدا پێشانگه‌هه‌كا به‌رفره‌هـ يا قوتابيێن زانكۆيێ ب پشكداريا 65 پرۆژه‌يێن كه‌لتوورى، زانستى، ئه‌ندازيارى و پزيشكى هاته‌ ڤه‌كرن و ئاماده‌بوويان ژ نێزيك كار و به‌هره‌يێن قوتابيێن زانكۆيا نه‌ورۆز ديتن.
د چارچووڤه‌يێ كارێن فيستيڤالێ دا پێنج سه‌مپوزيوم ژ لايێ قوتابيێن زانكۆيێ ڤه‌ هاتنه‌ پێشكێشكرن و رۆژنامه‌يه‌كا تايبه‌ت ژى ژ ئاليێ قوتابيان ڤه‌ ب مژار و بابه‌تێن جودا ڤه‌ ده‌ركه‌فت. هه‌ژيه‌ بێژين، فيستيڤالا ناڤبرى بۆ ده‌مێ 5 رۆژان به‌رده‌وامى ب كارێن خۆ دا و مێهڤانان ژ باژێر و ناڤه‌ندێن په‌روه‌رده‌ و فێركرنێ يێن جودا قه‌ستا پێشانگه‌هێ دكر.