د چارچووڤێ خورتکرنا پەیوەندیێن خۆ ل گەل جڤاکی و بەرفرەهکرنا هەڤکاریا خۆ ل گەل سازیێن رەوشەنبیری، راگرێ کۆلیژا زمانان ل زانکۆیا نەورۆز پ. د. ئەمین عەبدولقادر عومەر پەرتووکەک ب ناڤونیشانێن «دلێ ئاشکەراکەر و دەهـ چیرۆکێن دی ژ دەهـ وەلاتێن جیهانێ» ئیمزا و بەلاڤکر، کو ژ زمانێ ئینگلیزی وەرگێرایە سەر زمانێ کوردی.
ب هەڤکاریا ئێکەتیا نڤیسەرێن کورد ل دهۆکێ، رۆژا پێنجشەمبێ رێکەفتی یازدەی ئیلۆنا ٢٠٢٥ێ ئاهەنگەکا ئیمزاکرنێ بۆ پەرتووکێ ل هۆلا ئێکەتیا نڤیسەران ل دەمژمێر پێنجێ ئێڤارێ بۆ راگرێ کۆلیژا زمانان هاتە ئەنجامدان، کو بەری هینگێ سمینارەک ژ لایێ د. یاسرێ حەسەنی ڤە ل ژێر ناڤونیشانێن: «دلێ ئاشکەرکەر و دەهـ چیرۆکێن دی: پەنجەرەیەک ل هنداڤ ئەدەبێ جیهانێ» هاتە پێشکێشکرن.
ئەڤ چالاکیە د هوندری پویتەپێکرنا زانکۆیا نەورۆز دا بۆ ئاڤاکرنا پران ل گەل جڤاکی، و ڤەبوونێ ل سەر سازیێن رەوشەنبیری، و تێکەلبوونێ ل گەل ئەزموونا ئەدەبێ جیهانی دهێت، ب رەنگەکی کو رۆلێ زانکۆیێ د بەرهەمئینانا زانینێ و بەرفرەهکرنا پلەیا ئەکادیمی یا زانکۆیێ دا بهینتە پێشچاڤ.