دوبارە زانکۆیا نەورۆز باوەریا وەزارەتا خواندنا بلند بدەستخۆڤە دهینیت
ئەڤرۆ رێکەفتی ٢٧\٩\٢٠٢٥ وەزارەتا خواندنا بلند و ڤەکۆلینێن زانستی ل هەرێما کوردستانێ راگەهاند کو زانکۆیا نەورۆز ئێک ژ وان زانکۆیێن تایبەتێن پەسەندکریە بۆ خواندنێ و پێشوازیکرن و وەرگرتنا قوتابیان بۆ سالا خواندنێ (٢٠٢٥-٢٠٢٦).
ب گۆرەی بریارا وەزارەتێ، ئەڤ زانکۆیە دێ کورسیێن خۆ یێن خواندنێ ل دویڤ رێنمایێن فەرمی یێن وەزارەتێ بۆ قوتابیان تەرخان کەن و ئەو دشێن داخوازیێن خۆ راستەوخۆ پێشکێشی وان زانکۆیان بکەن.
ئەڤ بریارە پلە و پایەیا زانکۆیا نەورۆز و رۆلێ وێ یێ بلند یێ ئەکادیمی بەرچاڤ دکەت، هەروسا پێگیریا زانکۆیا نەورۆز ب پەیداکرنا ژینگەهەکا مودێرن یا خواندنێ ل دویڤ پیڤەرێن زانستی دوپات دکەت. دهێتە زانین، کو رێزبەندیا زانکۆیا نەورۆز پلە (بی) یە، کو بلندترین پلەیە زانکۆیێن حکوومی و تایبەت ل هەرێما کوردستانێ گەهشتبنێ.