ل رۆژا شه‌مبيێ رێكه‌فتى (17/5/2025) ل ده‌مژمێر (10:00) سپێدێ، زانكۆيا نه‌ورۆز مێهڤانداريا ووركشۆپه‌كێ ب ناڤونيشانێ "پرۆسه‌يا باوه‌ريدانێ ل كوردستانێ" كر، كو ژ لايێ به‌رێز د. هونه‌ر عيسا سكرتێرێ گشتيێ ده‌سته‌يا باوه‌ريدانێ ب به‌رنامه‌ و سازيێن په‌روه‌ره‌يێ و خواندنا بلند ل هه‌رێما كوردستانێ ڤه‌ هاته‌ پێشكێشكرن.
ووركشۆپا ناڤبرى ب ئاماده‌بوونا سه‌رۆكێ زانكۆيێ، پ. هـ. د. مێڤان عارف عه‌بدولره‌حمان، هاريكارێن سه‌رۆكێ زانكۆيێ، راگرێن كۆليژان و مامۆستايێن زانكۆيێ ب ڕێڤه‌ چوو.
هه‌ژى يه‌ بێژين، كو هاريكارێ سه‌رۆكێ زانكۆيێ بۆ كاروبارێن زانستى و خواندنا بلند پ. د. موئه‌يه‌د ئه‌غه‌لى رێڤه‌به‌رێ ووركشۆپێ بوو، ژ لايێ خۆ ڤه‌ مامۆستا و ئاماده‌بوويێن ووركشۆپێ ژى ب ديتن و بۆچوونێن خۆ ناڤه‌رۆكا روينشتنێ ده‌وله‌مه‌ند كر.
جهێ ئاماژه‌پێدانێيه‌ كو زانكۆيا نه‌ورۆز ب به‌رده‌وامى پێگيريێ ب پيڤه‌رێن ئه‌كاديمى و پێشئێخستنا ڤه‌كۆلينێن زانستى ل ناڤخۆ و ده‌رڤه‌ى كوردستانێ دكه‌ت.
بۆ زانیاریێن زێدەتر، تەماشای برۆشۆرێ هەڤپێچ بکەن