شاندەکێ کۆنسلخانەیا کۆمارا چینی سەرەدانا زانکۆیا نەورۆز کر
سەرۆکێ زانکۆیا نەورۆز (پ. هـ. د. مێڤان عارف عەبدولرەحمان) و راگرێ کۆلیژا زمانان (پ. د. ئەمین عەبدولقادر) پێشوازیەکا گەرم ل شاندەکێ رەوشەنبیری یێ کۆنسلخانەیا کۆمارا چینێ یا مللی ل هەولێرێ کرن. د پەنەلەکێ ڤەکری دا، ب ئامادەبوونا هاریکارێن سەرۆکێ زانکۆیێ (پ. د. موئەیەد ئاغالی و پ. د. هۆگر تاهر)، ل گەل راگرێن کۆلیژان و مامۆستا و هژمارەکا باش ژ قوتابیێن زانکۆیێ، شاندێ ناڤبری بەحسێ دیرۆک، زمان، ناسنامە و کەلتوورێ چینێ هاتەکرن. ئارمانجا ئەڤی پەنەلی خورتکرنا تێکەلیێن زانستی و کەلتووری د ناڤبەرا کوردستانێ و چینێدا بوو.
